Policia vijon kontrollet në kuadër të masave për sigurimin e qetësisë publike për banorët dhe turistët që frekuentojnë zonat bregdetare, duke ndëshkuar ata që i shkelin rregullat.
Gjatë ditëve të fundit janë organizuar disa grupe kontrolli në terren në Durrës dhe Sarandë.
Në Durrës janë testuar me matës të zhurmës disa ambiente dhe subjekte, të hapura dhe të mbyllura.
Ndërsa në Ksamil në një lokal, u konstatua se nga grumbullimi i personave në këtë ambient, shkaktoheshin zhurma të cilat cenonin dukshëm qetësinë publike pas mesnate. Në këtë rast policia procedoi penalisht administratorin e lokalit./vizionplus.tv
