E hënë, 16 Nëntor 2026 Takohemi N'vizion deri në 06:55 Në vijim ora 06:55: 7 PA 5 Live Reklamo Kontakt Karriera
Vizion Plus
Video · Kronikë

Konflikti nisi për një vajzë, si ndodhi plagosja në Lezhë! Pamjet nga vendi i ngjarjes

Alfred Marku mbeti i plagosur si pasojë e të shtënave me armë ditën e sotme në Tale të Lezhës.

Gazetari i Vizion Plus, Altin Mema ka siguruar pamjet nga vendi i ngjarjes.

Të shtënat u regjistruan në një zonë larg pushuesve në plazh, ndërsa dyshohet se sherri ka nisur për motive xhelozie.

Sipas të dhënave, autori kishte shkuar në plazh dhe ka qenë i shoqëruar me një vajzë, të cilën dyshohet se Marku e ka ngacmuar. Kjo ka bërë që autori, shtetasi me inicialet E.L, 30 vjeç dhe i plagosuri të përfshiheshin në konflikt.

Reklamë

Fillimisht ata kanë debatuar me tone të ashpra e më tej autori pasi ka marrë një armë zjarri pistoletë ka plagosur Alfred Markun.

Pas ngjarjes ai është arratisur, teksa policia ka ngritur pika kontrolli dhe po punon për kapjen e tij.

Ndërsa Marku ndodhet në spital jashtë rrezikut për jetën./vizionplus.tv

Më shumë video

Reklamë