Kryebashkiaku Erion Veliaj ka folur për përplasjen që ka pasur me Armand Dukën për drejtimin e FSHF-së.
Veliaj tha në Studio Sport se nuk ka asnjë gjë personale me Dukën, ndërsa shton se kur u mbajt finalja e e Conference League Tirana mori notën 10 nga ndërkombëtarët.
“Unë personalisht nuk kam asnjë gjë me atë. Po të dua, mund të jem në charterat dhe biletat VIP por mua nuk më pëlqen ai stil jetese. Unë zgjedh të mos jem pjesë e asaj jete, më neverit. Mjafton vetëm prova se si u menaxhua finalja e UEFA Conference League në Tiranë, ku të gjithë kolegët e UEFA-s thanë si Tirana nuk ka asnjë qytet tjetër. Ne morëm notën 10 krahasuar me Sevijen dhe Parisin. Nëse unë do kandidoja për mandatin e 6 dhe të 7, ju do thoshit, o vëllai po boll se na lodhët, është dikush tjetër që mund të mbjell pemë e të bëj kopësht. Ata janë vetë zot e vetë shkop, s’kanë asnjë që vendos rregulla. Më vjen mirë që në Tiranë nuk vodha vota dhe mbrojta integritetin e qytetit që drejtoj”, tha Veliaj.
Kryebashkiaku më tej theksoi se kombëtarja shqiptare ëshët bërë si një thes boksi, ku çdo kush që kalon i fut një grusht. Sipas tij, Duka duhet të kishte dhënë dorëheqjen që kur i përfundoj mandati i tretë dhe të mbahej mend për gjëra të bukura nga qytetarët.
Veliaj shpreson që në fund të mandatit të tretë si kryebashkiak t’i ketë perfunduar projektet e nisura dhe të largohet me një notë të mirë nga drejtimi i pushtetit vendor.
“Kjo që po ndodh nuk shkon. Kombëtarja jonë është bërë si thes boksi ku çdo kush që kalon i fut ndonjë grusht dhe e degjeneron. Kjo nuk është e bukur. Akti i tretë duhet të ishte kur Shqipëria përfundoi atë debutim në kampionatinh europian, ti largohesh me një notë të mirë dhe njerëzit të mbajnë mend për një notë të mirë. Një nga arsyet pse unë dua që në mandatin e tretë të përfundojnë të gjitha punët e bashkisë me Piramidën, Unazën, Kopshtin Botanik, terminali i ri te kthesa e Kamzës është akti I tretë që e mbyll dhe mbahesh mend për mirë”, shtoi Veliaj në Vizion Plus.
