Presidenti i Shteteve të Bashkuara të Amerikës, Donald Trump ka folur për gazetarët lidhur me konfliktin në Lindjen e Mesme pas kthimit të tij “urgjent” nga samiti i G7 që u zhvillua në Kanada.
Trump, tha se dëshiron “një fund të vërtetë” të problemit bërthamor iranian, ku Teherani të “dorëzojë plotësisht” armët e tij bërthamore, raporton BBC.
“Nuk thashë se po kërkoja një armëpushim”, theksoi ai, duke shtuar se kthimi i tij “ka të bëjë me diçka më të madhe”.
Presidenti i SHBA-së parashikoi gjithashtu se Izraeli nuk do t’i ngadalësonte sulmet e tij ndaj Iranit.
“Do ta mësoni në dy ditët e ardhshme. Do ta mësoni”, tha Trump.
Kur u pyet nëse mund t’i kërkonte të dërguarit të SHBA-së në Lindjen e Mesme, Steve Witkoff, ose zëvendëspresidentit J.D. Vance, të negocionin me Iranin, Trump tha “ndoshta”.
Lidhur me çdo kërcënim të mundshëm nga Irani kundër interesave të SHBA-së në rajon, Trump theksoi se Teherani e di që nuk duhet t’i prekë trupat amerikane.
SHBA-të “do të përgjigjen shumë ashpër nëse u bëjnë diçka qytetarëve tanë”./vizionplus.tv
