Konfirmohet rasti i parë i murtajës, vihet në karantinë ferma në Shkodër. Specialistët: Sëmundja nuk prek njerëzit

Autoritetet veterinare kanë konfirmuar rastin e parë të Murtajës së Ruminantëve të Vegjël në vend.

Sëmundja u identifikua në një fermë mbarështimi dhish në njësinë administrative Postribë të Shkodrës.

Lexo edhe :

Related Posts

Konfirmohet rasti i parë i murtajës së bagëtive të imëta në vend, ja simptomat që shfaqen te kafshët

Murtaja e bagëtive, konfirmohet vatra e dytë në Korçë, më tepër se 180 krerë do të groposen

Vatër e re me murtajë te bagëtitë e imëta në Shkodër, 200 krerë dele do të asgjësohen

Mostrat e marra në terren nga Shërbimi Veterinar janë analizuar nga laboratori referencë i Institutit të Sigurisë Ushqimore dhe Veterinarisë, i cili ka konfirmuar praninë e virusit.

“Do të bëhet eliminimi i kafshëve të prekura nga murtaja dhe ferma do të izolohet në një perimetër 3-10 km”, tha Sulejman Kullolli-drejtori i përgjithshëm i sherbimit veterinar Shkodër.

Autoritetet u kanë bërë thirrje të gjithë fermerëve dhe mbarështuesve të kafshëve të imta që të zbatojnë masat parandaluese dhe të kufizojnë lëvizjen e kafshëve brenda dhe jashtë fermave. Sëmundja nuk transmetohet tek njerëzit dhe nuk paraqet asnjë rrezik për shëndetin publik./vizionplus.tv