Konfindustria i bën thirrje qeverise te ktheje vëmendjen edhe nga bizneset ne Durrës te cilat janë prekur nga tërmeti i 26 nëntorit.
Sipas te dhënave rezulton se 130 njësi industriale janë dëmtuar nga fatkeqësia natyrore. Konfindustria propozon qe agjencia e mbikëqyrjes financiare te raportoje përpara kuvendit për vlerën e plotë të dëmeve dhe grafikun kohor të shlyerjes së pagesave nga ana e shoqërive të sigurimit.
“Gjithashtu, është e nevojshme përgatitja e një pakete të plotë ndihme fiskale, financiare për bizneset në zonat e prekura si dhe të aktivizimit të programeve të ndihmës nga BE për rastet e fatkeqësive natyrore”, – thuhet ne deklaratën e Konfindustrias.