Geoffrey Kondogbia është kthyer në një problem serioz për skuadrën e Interit e cila tani duhet të pajtohet me largimin e tij.
Francezi ka disa ditë që nuk paraqitej në ‘Appiano Gentile’, por sot kishte vendosur të kthehet aty.
Mirëpo gjërat nuk kanë shkuar ashtu siç ka pritur ai.
Me t’u futur në qendrën stërvitore, para tij ka dalur drejtori sportiv Piero Ausilio i cili ka kërkuar shpjegime nga ai për situatën e krijuar dhe për mungesën e pa arsyeshme gjatë këtyre ditëve.
Në bisedime e sipër situata ka eskaluar dhe lojtari e ka braktisur përsëri stërvitjen dhe me sa duket me këtë rast edhe i ka dhënë fund aventurës së tij me fanellën zikaltër.
Kondogbia ishte transferuar nga Monaco tek Interi për 36 milion euro para dy vitesh, ndërsa tani po kërkohet nga Valencia.
