Kodi zgjedhor në Maqedoni, ndarja e njësive në dëm të shqiptarëve

Ndarja e pabarabartë e njësive zgjedhore në Maqedoni, rrezikon të dëmtojë partitë shqiptare, të cilat parashikojnë të kenë deri në dy deputetë më pak. Në seancën e fundit parlamentare ku u votua edhe shpërndarja e Parlamentit, deputetët maqedonas rrezuan me 83 vota kundër propozimin e grupit parlamentar të PDSH-së, për të ndërhyrë në kodin zgjedhor e për të ndarë në mënyrë të barabartë, gjashtë njësite zgjedhore. Votat kundër u dhanë nga ligjvënësit e VMRO-DPMNE-se dhe LSDM-së, ndërsa BDI votoi pro. Sipas ligjit që është në fuqi, parashikohet që njësitë zgjedhore të kenë diference deri ne 5% te votuesve, çka sipas deputeteve shqiptare, rrit pabarazinë e votës ne Maqedoni.