Në vitin 2023 një grup klerikesh të besimeve të ndryshme nga juglindja e vendit kanë patur një vizitë në Vatikan ku janë takuar me Papa Franceskun.
Të gjithë së bashku sipas klerikut të mitrpolise se Korçës, At Vangjel Sotiri, kishin përgatitur dy dhurata, njëra ishte flamuri kombëtar me një mbishkrim në shqip e latinisht “Të gjithë vëllezër”.
Dhurata tjetër ishte një bastun që kishte të gdhendur kokën e shqiponjës dy krenare.
“Përgatitëm dy dhurata, njëra ishte një flamur kombëtar me një mbishkrim në shqip dhe latinisht “Të gjithë vëllezër” por dhe një bastun që kishte të gdhendur kokën e shqiponjës dy krenare. Ishin dhurata simbolike por shumë kuptimplota për çfarë ne donim të çonim atje.”
“Gjëja që na ka thënë e që mua më ka mbetur në mendje ishte kjo “mbrojeni, mbrojeni se kjo është thesari juaj” ka qenë një moment i jashtëzakonshëm, mënyra se si ai na inkurajoi të gjithëve ne klerikët për atë çfarë duhet të bënim mbi atë që ne i kishim sjellë si dhuratë”.
Në kishën katolike të qytetit të Korçës do të mbahet mesha në përkujtim të shpirtit të Papa Franceskut ku do të jenë të pranishëm besimtarë katolike dhe jo vetëm.
Papa Françesku ndërroi jetën ditën e djeshme në moshën 88-vjeçare. Varrimi do të bëhet të shtunën e 26 prillit, në orën 10:00./vizionplus.tv
