Një 17-vjeçare në Indi është dhunuar për vdekje nga anëtarët e familjes së saj, pasi nuk iu pëlqente që vishej e xhinse.
Nëna e saj, Shakuntala Devi Pasëan, rrëfeu për mediat vendase se adoleshentja ishte rrahur me shkop nga gjyshi dhe xhaxhallarët e saj, pas një konflikti për mënyrën se si e mitura vishej.
“Ajo mbajti një agjërim një ditor. Në mbrëmje, ajo veshi një palë xhinse dhe kreu ritualet e saj. Kur gjyshërit kundërshtuan veshjen e saj, Neha u përgjigj se xhinset ishin bërë për t’u veshur dhe se ajo do t’i vishte”, tha nëna e saj.
Zyrtari i lartë i policisë raportoi se katër persona janë arrestuar, ndërsa familjarë të tjerë të viktimës po merren në pyetje.
Të akuzuarit ende nuk kanë bërë ndonjë deklaratë publike. Babai i Neha, Amarnath Pasëan, i cili punon në Punjab u kthye në shtëpi për t’u marrë me tragjedinë duke u shprehur se kishte punuar shumë për të dërguar fëmijët e tij, përfshirë Nehna, në shkollë.
E ëma e adoleshentes u shpreh se vajza e saj dëshironte të bëhej police, por tashmë “ëndrrat e saj nuk do të mund të realizohen më kurrë”. Ajo pretendoi se vjehrri i saj i bënte vazhdishimisht presion 17-vjeçares për të lënë studimet.
