Poetja që theu rekorde në spektaklin më të dashur për publikun Ferma VIP 3, rrëfeu në studion e emisionit QUO VADIS të moderatores Pranvera Borakaj si e priti ftesën për të qenë pjesë e formatit.
Mimoza Ahmeti tha me batutë se në fillim kishte pak frikë moderatoren Arbana Osmanin. Poetja tregoi se produksioni ishte shumë realist dhe koherent me të gjithë konkurrentët.
Pjesë nga biseda:
Borakaj: Ju njiheni si një shpirt i lirë, por kishin një merak për ata jashtë. Mos lëndonit dike, mos jepnit mesazh të gabuar, mos të keqkuptojnë…
Ahmeti: Duhet të themi që sidomos në rastin tim votuesi ka qenë determinant. Unë do ta them hapur, që kur kam hyrë ata më thane “ne kemi qejf që të jesh deri në fund, të rezistosh në lojë, por çmim nuk të premton njeri” dhe s’më erdhi mire. Sepse mund të thonin “Moza ti luan, ishalla po e merr”. Por ishin aq realistë, saqë nuk e dinin a do vazhdoja deri në fund.
Borakaj: Por kishte një lloj skepticizmi që sa do rezistoje e izoluar brenda Femrës…
Ahmeti: Nga një anë më vjen mire që ishin te sinqertë, s’më erdhi mire që ishin pak mosbesues. Sepse unë jam edhe Bricjap, që kur e vendos një objektiv, ia bën hyzmetin deri në fund, këtë kam bërë edhe me shkollat, doktoratat. Edhe kur më pyetën në intervistën paraprake “ke ardhur për të fituar?”, sepse bëmë një intervistë paraprake, ku takova për here të parë Edin regjisorin. Kisha pak frikë nga Arbana, gjë e cila nuk m’u realizua, kuptova që ajo e mbajti drejtimin edhe në momentet kur unë isha skeptike për veten.
/vizionplus.tv
