Ambasadorja e SHBA-ve në Tiranë, Yuri Kim është takuar këtë të mërkurë me ministrin e ri të Brendshëm, Bledi Çuçi.
Në një postim në “Twitter”, diplomatja amerikane ka treguar çfarë u diskutua në takimin me Çuçin.
Ajo theksoi se u ra dakord për të forcuar më tej bashkëpunimin për sigurinë dhe zbatimin e ligjit.
“U takova me me Bledi Çuçin për t’i uruar suksese në detyrën e re si Ministër i Brendshëm. Më vjen mirë që dëgjova se ai ka urdhëruar për të hetuar trajtimin e protestuesve. E drejta e protestës paqësore duhet të respektohet. Gjithashtu diskutuam rolin e Ministrisë së Brendshme në zgjedhje”, shkruan Kim.
