“Këto buzë janë vetëm për një grua”, aktori nuk pranon të puthë koleget gjatë xhirimeve

Aktori Neal McDonough refuzon të marrë pjesë në ndonjë skenë intime në punën e tij të aktrimit, madje refuzon të puthë. Aktori amerikan thekson se ai refuzon skenat e puthjeve për shkak të bindjeve të tij fetare. Ai është një katolik i devotshëm.

“Unë jam shumë fetar. Unë e vendos Zotin dhe familjen në radhë të parë dhe veten time në vend të dytë. Kjo është ajo që unë udhëhiqem”, tha ai.

McDonough dhe gruaja e tij , Ruvé u takuan për herë të parë në xhirimet e Band of Brothers , ku rrugët e tyre u kryqëzuan për herë të parë në vitin 2000. Për McDonough ishte dashuri me shikim të parë. Dyshja u martuan në dhjetor 2003, tre vjet pasi u takuan për herë të parë dhe kanë 5 fëmijë.

“Unë nuk do të puth asnjë grua tjetër sepse këto buzë janë vetëm për një grua”, tha ai.

Neal pretendon se puthja e një gruaje tjetër në film do të ishte tradhti për të. Refuzimi për të filmuar skena intime kishte qenë më parë një pengesë për karrierën e tij.

Duke folur për Closer Weekly, ai kujtoi se ishte shkarkuar nga Scoundrels te ABC për shkak të qëndrimit të tij.

“Isha i befasuar dhe ishte një situatë e tmerrshme për mua. Pas kësaj nuk munda të gjeja punë sepse të gjithë mendonin se isha një fanatik fetar”, tha ai.