Kërkuan azil në Francë, Gjermani e Belgjikë, riatdhesohen 100 shtetas shqiptarë

100 shtetas shqiptarë, nga të cilët 43 nga Franca, 5 nga Belgjika dhe 52 nga Gjermania janë riatdheshuar këtë të mërkurë.

Këta persona, sipas policisë, u riatdhesuan pasi kanë vendim për dalje nga territori francez, belg e gjerman, për shkelje të rregullave të lëvizjes në zonën Schengen.

Policia e Shtetit edhe njëherë apelon për të gjithë shtetasit shqiptarë që të respektojnë rregullat e lëvizjes në hapësirën Schengen dhe mos të bëjnë përpjekje apo shpenzime duke rënë pre e mashtrimeve për të përfituar azil, pasi shanset për azil janë zero.

Operacioni për riatdhesinin e 100 shtetasve shqiptarë u zhvillua nga Frontex në bashkëpunim me autoritetet shqiptare.