Një 40-vjeçar nga Bosnjë-Hercegovina, i cili kërkohej nga autoritet gjermane, për vjedhje me anë të mashtrimit dhe mashtrim në mënyrë të përsëritur, është arrestuar t nga Policia Kufitare në Bllatë.
“Shërbimet e Policisë Kufitare në PKK Bllatë, si rezultat i masave të shtuara dhe i shkëmbimit të informacionit me Interpol Tiranën, kanë kapur në hyrje dhe kanë arrestuar me qëllim ekstradimin, shtetasin: B.S., 40 vjeç, banues në Bosnje-Hercegovinë”, thuhet në njoftim.
40-vjeçari ishte shpallur në kërkim ndërkombëtar pasi Gjykata e Heilbronn /Gjermani, i ka caktuar masën e sigurisë “Arrest me burg”, për veprat penale “Vjedhje me anë të mashtrimit”, “Mashtrim” dhe “Mashtrim në mënyrë të përsëritur, fitimprurëse”, të parashikuara nga Kodi Penal gjerman.
Interpol Tirana po bashkëpunon me Interpol Wiesbaden, për ekstradimin e 40-vjeçarit, në Gjermani./vizionplus.tv
