Ajo është një ndër këngëtaret më të dashura të të gjitha kohërave, një ikonë e viteve ’90 që ka shoqëruar me hitet e saj si ”My all’ apo ”Without you” jo vetëm top chartet muzikore, por edhe zemrat e miliona fansave nëpër botë, madje këngët e saj janë shndërruar në kolonat e dashurisë së përjteshme për shumë çifte.
Por, për Mariah Carey gjërat nuk kanë vajtur ashtu siç duhet, e cila është vënë vazhdimisht në qendër të kritikave jo vetëm për shkak të mos bërit muzikë të mirë si vite më parë, por më së shumti për shkak të paraqitjes së jashtme.
Kanë qenë të shumtë fansat, por edhe mediet që e kanë kryqëzuar vajzën e famshmë të viteve ’90 për shkak të kilogramëve të tepërt të marrë ndër vite, aq sa kjo e fundit të merrte vendimin drastik për t’iu nënshtruar një ndërhyrjeje për zvogëlimin e stomakut. Por performanca e ditës së djeshme në një koncert bamirësie për ”Ditën Ndërkombëtare të AIDS” i ka lënë të gjithë gojëhapur.
Mariah ka arritur të humbë plot 30 kilogramë dhe të rifitojë linjat e mëparshme, të cilat nuk heziton t’i tregojë me fustane të ngushta puthitur pas trupit. Ky ndryshim është mirëpritur nga fansat, të cilët ishin edhe iniciatorët e vendimit të saj për të humbur peshë. Tani presim që Mariah të rikthehet me po të njëjtin zell edhe në muzikë./Burimi ”Daily Mail”
