Autoriteti Rrugor Shqiptar njofton se kanë përfunduar përpara afatit punimet për montimin e trarëve metalikë të mbikalimit të ri në Kashar.
Sipas ARRSH-së, puna është realizuar falë angazhimit me mjete dhe punëtorë të shtuar, duke bërë të mundur përfundimin e ndërhyrjes më herët se parashikimi.
Përfundimi i punimeve mundëson vijimin normal të qarkullimit në aksin Tiranë–Durrës dhe në drejtimin e kundërt, Durrës–Tiranë.
Ndërhyrja është pjesë e punimeve për ndërtimin e mbikalimit të ri në zonën e Kasharit, me synim përmirësimin e qarkullimit dhe sigurisë rrugore.
ARRSH bën me dije se vijimi i punimeve do të shoqërohet me masat përkatëse për menaxhimin e trafikut, sipas fazave të projektit.
/vizionplus.tv
