Një 43-vjeçar është arrestuar në flagrancë nga Policia e Lushnjës, pasi u kap teksa tentonte të vidhte në një banesë në qytet.
Ngjarja ndodhi pas një njoftimi të ardhur në sallën operative, ku qytetarët raportuan për një person të dyshuar që kishte hyrë në një banesë. Shërbimet e Komisariatit të Policisë Lushnjë reaguan menjëherë dhe shkuan në vendngjarje, duke bërë të mundur kapjen në flagrancë të autorit, shtetasit J. P., 43 vjeç.
Policia njofton se kjo është tentativa e dytë për vjedhje që parandalohet brenda 24 orëve të fundit në qytetin e Lushnjës, falë reagimit të shpejtë të uniformave blu.
Ndaj të arrestuarit vijojnë hetimet për të zbardhur edhe ngjarje të tjera të mundshme ku ai mund të jetë i përfshirë.
Materialet procedurale i janë referuar Prokurorisë së Fierit për veprime të mëtejshme ligjore
/vizionplus.tv
