Kapen 167 kg kanabis në Greqi, shqiptari bënte transportin me kamion

Nga policia greke u godit një rast i trafikut të drogës, duke sekuestruar 167 kg kanabis.

Operacioni antidrogë u zhvillua në Kilkis, në Greqinë Veriore dhe pjesë e bandës ishte edhe një 38-vjeçar shqiptar.

Ai kryente transportin e lëndës narkotike me kamion me targa shqiptare. Sipas policisë, lënda narkotike do të dërgohej në Athinë.

38-vjeçari shqiptar, pas arrestimit, do të dërgohet në gjykatë për masë sigurie.