Kandidati i Partisë Demokratike për bashkinë e Rrogozhinës Ferdinand Saraçi tha se përgjegjësinë e humbje e ka vetë dhe jo Basha.
Ai madje bëri me faj edhe deputetët e PD, pasi sipas tij, asnjëri nuk i qëndroi në krahë gjatë fushatës, por vinin aty sa për foto dhe ikin.
Gjatë mbledhjes që po zhvillohet me dyer të mbyllura në selinë blu, Saraçi tha se PD kishte përballë qeverinë dhe foltoren dhe se në Rrogozhinë kishte shitblerje të votave.
“Kishim përballë edhe qeverinë edhe Foltoren. PS e Foltorja patën të deleguar që ndanin para. Ju më dërguat disa deputetë, por vetëm Dash Sula ka qenë në krah. Pati shitblerje të votës. Kanë pare e pushtet. Foltorja e dinte se nuk kishte shanse por vazhdoi me shantazhe e blerje votash. Nuk ke faj ti që humba Rrogozhinën, mbaj përgjegjësi vetë dhe duhet të jetë përgjegjësi edhe e deputetëve që ishin. Kërkojë llogari deputetët që nuk vinin për fushatë po për foto”, tha Saraçi.
