Kandidati i koalicionit “Bashkë Fitojmë” për Bashkinë e Kamzës, Arjan Hoxha ka refuzuar të pranojë humbjen e thellë përballë kundërshtarit, Rakip Suli.

 

Në reagimin e tij të parë pas bërjen publike të rezultateve nga KQZ, Hoxha kërkon sekuestrimin e serverave të pajisjeve elektronike dhe hetimin e tyre.

 

Sipas tij, zgjedhjet janë manipuluar, ndërsa argumenton se fakt për këtë është rezultati i Kamëz, ku Rakip Suli kur ka kandiduar vetëm ka marrë 10 mijë, sot me kundërshtar përballë ka marrë 24 mijë vota.

 

 “Individë të paautorizuar kanë qenë në çdo qendër votimi, pajisjet elektronike u vërtetuan se ishin një dështim total. Kërkojmë të sekuestrohen pajisjet, serverat dhe një hetim të thelluar për pajisjet elektronike që kanë ardhure me zero garanci. Kërkohet krahasimi me fletët fizike të votimit. Ne do të mbrojmë votën. Një provë e kristaltë është edhe vetë rezultati në Kamëz. Rakip Suli kur ka kandiduar vetëm ka marrë 10 mijë, sot me kundërshtar përballë ka marrë 24 mijë vota. Ky rezultat është i paraprogramuar paraprakisht. Kur vota blihet, vidhet dhe manipulohet çudirat ndodhin. Këtë rezultat ne patjetër që nuk do ta njohim, sepse është një rezultat i vjedhjeve dhe jo i zgjedhjeve. Ne kurrë nuk do ta njohim këtë rezultat dhe qytetarët e Kamzës këtë vjedhje nuk do t’ja falin kurrë”, tha Arjan Hoxha.

Të njëjtën qëndrim mbajti dhe ish kreu i PD, Sali Berisha i cili e konsideroi rezultatin e Kamëz, si manipulimin monstruoz digjital i qeverisë.

Leave a Reply

Your email address will not be published. Required fields are marked *