Kanabis në parcelën me misër

Dy persona që kultivonin hashash në shtëpi u arrestuan në Tiranë, gjatë një operacioni antidrogë të koduar nga policia me emrin “Kunati”.

Efektive të komisariatit nr 4 kontrolluan kopshtin e shtëpisë së 44-vjeçares Bukurije Fejza, ku mes misrit gjetën të mbjella dhe kanabisin. Gjatë operacionit Policia arrestoi edhe 39 vjecarin Ndriçim Kuka, bashkëshort i motrës së Fejzës.

Gjatë kontrolleve në shtëpi u gjetën armë luftarake dhe 21 kilogramë hashash ndërsa Bukurije Fejza kishte fshehur dhe një pistoletë shenjëhedhëse.