Presidenti i Republikës, Bajram Begaj, ka shpërndarë një mesazh urimi për peshëngritësen e re shqiptare, Enkileda Çarja, pas shpalljes së saj kampione e trefishtë në Kampionatin Botëror të Peshëngritjes që u mbajt në Lima, Peru.
Në një postim në rrjetet sociale, Presidenti Begaj e ka lavdëruar Enkiledën për arritjet e saj të jashtëzakonshme, duke theksuar se ajo theu 3 rekorde evropiane për të reja dhe arriti medalje bronzi për U20.
Presidenti gjithashtu tha se ishte krenar për arritjet e sportistes dhe ka përgëzuar me shumë dashamirësi trajneren e saj, Eglantina Kalemi, për përkushtimin dhe pasionin e saj në përgatitjen e Enkiledës.
“Shumë urime për Enkileda Çarjan, e cila u shpall Kampione Bote e trefishtë në Botërorin e Peshëngritjes, theu 3 rekorde evropiane për të reja, si dhe arriti të marrë medalje bronzi për U20! Krenarë për arritjet e Enkiledës dhe punën e përkushtuar të trajneres së saj, Eglantina Kalemi!” – shkruan Presidenti Begaj në postimin e tij në Facebook dhe X.
