Një aksident është shënuar në zonën e Qafë Thanë, ku një kamion është përmbysur duke shkaktuar ndotje të konsiderueshme në rrugë.
Si pasojë e përmbysjes, në asfalt është derdhur vaj nga mjeti, duke e bërë segmentin rrugor të rrëshqitshëm dhe të rrezikshëm për qarkullimin. Fatmirësisht, nga aksidenti janë shënuar vetëm dëme materiale dhe nuk ka persona të lënduar.
Në vendngjarje kanë mbërritur shërbimet e policisë, të cilat po menaxhojnë situatën dhe po këshillojnë drejtuesit e mjeteve të ulin shpejtësinë dhe të tregojnë kujdes të shtuar gjatë kalimit në këtë segment.
