Kamioni del nga rruga, humb jetën drejtuesi i mjetit në Pogradec

Një aksident me vdekje u shënua në Pogradec mbrëmjen e se premtes. Kamioni tip “benz” doli nga rruga e për pasojë drejtuesi i mjetit, një 24-vjeçar, humbi jetën, ndërsa u plagos shoku i tij pasagjer. Mësohet se 20-vjeçari, pas marrjes së ndihmës së parë në spitalin e Pogradecit, do të transportohet në Tiranë, për mjekim më të specializuar. Policia, e cila mbërriti në vendngjarje, bëri me dije se shkak i aksidentit dyshohet manovrimi i gabuar i drejtuesit që humbi jetën.