Disa ditë më parë deputeti shqiptar Shaip Kamberi nuk nguroi të akuzonte presidentin Aleksandër Vuçiç nga parlamenti serb për autoritarizëm. Ai kërkoi hetime që të zbulohen varret masive të shqiptarëve në Serbi. Nëse nuk kryhet kjo dhe nëse Serbia nuk i kërkon falje Kosovës, Kamberi tha në “Quo Vadis”se nuk mund të ketë kompromis mes dy shteteve.
“Serbia gjendet në një proces të bisedimeve me Kosovën, në gjitha kambanat në Serbi presidenti dhe funksionarë të tjerë të lartë shtetëror flasin për një proces, për një kompromis historik me shqiptarët. Mendoj që nuk mund të ketë kurrëfarë procesi që do të përfundojë me një marrëveshje, nuk mund të ketë kompromis me shqiptarët apo pajtim historik derisa në Serbi nuk zbulohen të gjitha varrezat masive në të cilat gjenden akoma civilët shqiptarë. Derisa Serbia nuk pranon të ballafaqohet me të kaluarën e vet të dhunshme, sidomos ndaj shqiptarëve, dhe derisa nuk i kërkon falje popullit të Kosovës popullit shqiptar në Kosove për të gjitha ato krime që i ka kryer në emër të një shteti dhe të një ideologjie shtetërore.”
Sa i takon kërcënimeve të Vuçic për konflikt, Kamberi u shpreh se këto janë deklarata për të shmangur përgjegjësinë që ka ndaj shqiptarëve të Luginës së Preshevës.
