Institucioni i Komisionarëve Publikë (IKP) ka ankimuar vendimin e Komisionit të Pavarur të Kualifikimit për prokurorin e Krimeve të Rënda, Gentian Osmani.
Prokurori është konfirmuar në detyrë nga KPK, por Komisionieri Publik ka ankimuar vendimin në Kolegjin e Posaçëm të Apelimit pranë Gjykatës Kushtetuese me pretendimi se nuk krijohet bindja se subjekti i rivlerësimit ka arritur nivelin e besueshëm.
Komisioneri Publik në njoftimin e tij thekson se ndryshe nga sa ka konkluduar Komisioni i Pavarur i Kualifikimit për kriteret e vlerësimit, nuk krijohet bindja se subjekti i rivlerësimit ka arritur nivelin e besueshëm.
Prokurori Osmani ka qenë pjesë e treshes së prokurorëve, që ka hetuar dosjen e ish-deputetit dhe ish-ministrit të Brendshëm, Saimir Tahiri.
