Barazimi ishte i vetmi rezultat që nuk i duhej askujt në çiftin Atalanta-Juventus.
Në fund gjithçka u mbyll 1 me 1, një pikë që nuk i shërben as bergamaskëve të cilët kanë humbur goxha terren javët e fundit në luftën për titull, por nuk i shërben aspak edhe Juventusit që mbetet i pesti në klasifikim.
Pjesë e parë në Bergamo shumë e ekuilibruar, ritëm jo të lartë dhe asnjë gol, edhe për meritë të portierëve Di Gregorioe dhe Karneseki të cilët kur u vunë në alert pas gjuajtjeve të kundërshtarëve të tyre, ishin të aftë të reagonin mirë.
Mk.Keni, Illdiz dhe Niko Gonzales ishin të rrezikshëm tek Bardhezinjtë, ndërsa Lukman, Pasalic e De ketelar provuan për vendasit.
Pjesa e dytë ishte padiskutim intensive dhe me më shumë raste për gol. Juventus u rrit në lojë dhe vuri në provë vendasit përmes Niko Gonzales, Gatit dhe një shtylle të Kalulu, përpara se vetë francezi të shënonte pas një asisti të Mk Kenit.
Aktivizimi i Samarxhic në vend të Pasalic dhe dëshira për të reaguar, shtynë përpara Atalantën e cila ishte e rrezikshme në disa episode me Edesron, Xapakotës dhe Samarxhic, por ndërkohë që kërkoi golin me forcë, la pas hapësira që nuk u shfrytëzuan nga Mk Keni.
Golin e barazimit për skuadrën e Gasperinit do të shënonte me kokëbomberi vendas Retegi pas një aksioni nga e majta. Finalja e sfidës ishte emocionuese pasi Karneseki i mohoi golin Lokatelit e pastaj ishte me fat në gjuajtjen jashtë të Illdiz ndërsa Di Gregorion ndali Xaniolon, për të vulosur kështu barazimin në këtë sfidë të prapambetur të javës së 19 të serisë A.
Në duelin tjetër të prapambetur në një derbi të vogël Lombard, Milani e pati jo pak të vështirë të fitojë me përmbysje kundër Komos në transfertë 2 me 1.
Lajmi i vetëm i mirë për kuqezinjtë është rikthimi tek tre pikët dhe afrimi me zonën champions. Pjesa tjetër që lidhet me paraqitjen është e gjitha për tu riparë, pasi skuadra nuk bind.
Pjesë e parë e dobët e Milanit që krijoi vetëm dy mundësi shënimi me Rejnders dhe Moratën, por ishte me fat që nuk mori gol në disa tentativa të rrezikshme të skuadrës vendase.
Në pushim Konseisao aktivizoi Abraham, Musaj dhe Himenez duke çuar në stol Moratën dhe të dëmtuarin Pulisic, por përtej zëvendësimeve, ishte Komo që kaloi në avantazh me Diao.
Për të përmbysur Komon, menduan dy protagonistët e fitimit të superkupës.
Teo Hernandez fillimisht barazoi shifrat dhe pastaj pas 5 minutash Leao dyfishoi për Melanin duke i dhënë tre pikë të cilat e çojnë në 31, 5 3 më pak sesa Juventus, kundërshtar me të cilin luan në fundjavë në kampionat./vizionplus.tv
