Presidenti i SHBA-ve, Joe Biden ka humbur qenin e tij pastor gjerman, të quajtur Champ, me të cilin kishte jetuar prej 13 vitesh.
Biden thotë se e gjithë familja humbi shokun e saj të dashur, i cili qëndroi pranë tyre në momentet më të gëzuara dhe në ditët më të trishta.
“Familja jonë humbi shokun e dashur Champ sot. Do të më marrë malli për të. Në momentet tona më të gëzueshme dhe në ditët tona më të pikëlluara, ai ishte atje me ne, i ndjeshëm ndaj çdo ndjenje dhe emocioni tonë të pashprehur. Ai donte të ishte kudo që ne ishim, gjithçka ishte më mirë kur ai ishte pranë nesh.”
Champ nuk ishte qeni i vetëm që jetonte në Shtëpinë e Bardhë, pasi Biden ka dhe një pastor tjetër.
