Emmanuel Egbo nga e premtja nuk është në krye të pankinës bardheblu. Shkaku kryesor u bë eliminimi nga Kupa e Shqipërisë, megjithatë 47-vjeçari i lidhur prej shumë vitesh me Tiranën nuk e ka të lehtë ta pranojë ndarjen nga skuadra , teksa me një video live u shpreh falenderues ndaj klubit dhe të gjithë tifozëve që e kanë mbështetur deri më tani.
EMMANUEL EGBO
“Dua të falënderoj klubin për mundësinë që më dha, e cila më ndihmoi të bëhesha afrikani i pare që fitoj një titull europian dhe përfundova duke drejtuar në Ligën e Kampioneve dhe Ligën e Europës .Nuk ndodh gabimisht që ne ia dolëm bashkë dhe çuditëm gazetarët që na kishin nxjerrë nga gara. E di që është e pamundur që të fshihet historia që kemi krijuar. Për mua si nigerianin dhe afrikanin e parë që fitoj një titull në Europë, Nuk mund të fshihet edhe historia që çova ekipin tim në dy kompeticionet më të mëdha europiane. E di që ka ditë të shkëlqyera përpara në jetë. Kaq nuk është mjaftueshëm, mendoj se më e mira është ende rrugës”
Egbo nuk mendon se drejtuesit e kanë paramenduar largimin e tij, por futboll kështu e ka.
“Nuk kam asnjë peng apo zhgënjim, pasi unë dhashë maksimumin dhe skuadra gjithashtu, ndaj i jam mirënjohës Zotit për atë që kemi arritur bashkë. U jam mirënjohës fansave për mbështetjen e tyre te pabesueshme ndaj meje dhe skuadrës. I përgëzoj të gjithë lojtarët për frymën pozitive të mrekullueshme që kishin gjatë të gjithë sezonit të kaluar. Si ata që patën një impakt të madh, edhe ata që kishin më pak, e gjithë skuadra ia doli bashkë. Ndaj tani nuk ka pengje, por vetëm mirënjohje ndaj të gjithëve”, deklaroi ish-trajneri.
Nigeriani solli tek bardheblutë titullin e 25-të kampion që i mungonte pas plot 11 viteve.
