Një zyrtar i lartë britanik sheh një rrezik shumë të lartë të një sulmi terrorist kundër forcave amerikane dhe britanike, gjatë operacionit për evakuimin e civilëve nga aeroporti i Kabulit.

 

Sulmi mund të kryhet ose nga kamikazë vetëvrasës, ose duke vendosur bomba në automjete.

 

Forcat amerikane, britanike dhe aleate janë të ekspozuara sepse nuk kanë përfunduar ende një plan për një transferim të sigurt nga Afganistani.

 

Autoritetet policore evropiane janë të shqetësuara, duke pasur precedentin e flukseve migratore nga Siria, kur disa nga autorët e sulmeve terroriste në Paris në vitin 2015 u fshehën mes refugjatëve.

 

Në Gjermani, disa afganë të sapoardhur të akuzuar për vepra të zakonshme penale janë identifikuar.

 

Në Belgjikë, autoritetet kërkojnë vigjilencë në çdo kohë.

 

“Kaosi mbretëroi në aeroport në Kabul për një kohë të gjatë dhe ne duhej të siguroheshim që nuk do të kishte sulme. Prandaj duhet kontroll shumë i rreptë dhe shkëmbim i vazhdueshëm i informacionit që të evakuohen njerëzit e duhur”, tha ministri belg Emigracionit, Sami Mahdi.

 

 

 

Leave a Reply

Your email address will not be published.