Ministri i Mbrojtjes i Lituanisë, Arvindas Anousauskas ka dorëzuar dorëheqjen mbrëmjen e së premtes, pa u bërë të ditura arsyet që e çuan politikanin drejt këtij vendimi.
Kryeministrja e Lituanisë Igrinda Simonite ka marrë letrën e dorëheqjes, por nuk dihet nëse do ta pranojë.
Sipas mediave lituaneze, pasnesër, e hënë, zonja Simonite pritet të bëjë një deklaratë për këtë çështje.
Anousauskas, i cili mori detyrën në dhjetor 2020, nuk ka folur publikisht deri më tani.
Në përgjithësi, në Lituani, ministrat emërohen ose shkarkohen nga detyrat e tyre me vendim të presidentit, me rekomandimin e kryeministrit. Anousauskas thuhet se po planifikon të takohet sot me Presidentin Gitanas Nausenda.
Lituania është fqinje me enklavën ruse të Kaliningradit dhe aleatin e Rusisë, Bjellorusinë. Lufta në Ukrainë është perceptuar në Vilnius si një kërcënim i menjëhershëm për sigurinë kombëtare të Lituanisë.
Vendi i vogël baltik, një anëtar i BE-së dhe NATO-s, ka rritur ndjeshëm shpenzimet e tij ushtarake vitet e fundit. /vizionplus.tv
