Mosha e tretë rezulton të jetë target grupi i cili është edhe më kursimtari. Të dhënat e konfirmojnë këtë trend, por veçanërisht në Fibank Albania rezulton se 40% e depozituesve janë pensionistë.
Nisur nga ky fakt, banka ofron një paketë e quajtur “kursimet e ditëve të arta”.
Lutjana Konomi, drejtore e marketingut në Fibank Albania gjatë një interviste në emisionin E-ZONE, në Vizion Plus dha disa detaje mbi këtë paketë.
“Ne e kemi quajtur “kursimet e ditëve të arta”, pasi mendojmë se në këtë moshë, pra pensionistët janë vërtet në ditët e tyre më të arta, pasi kanë përfunduar me përgjegjësitë e jetës dhe tashmë është koha për të shijuar. Në Shqipëri ka një potencial të madh të këtij target grupi, mbi 700 mijë pensionistë të cilët mund të bëhen pjesë e kësaj pakete. Aq më tepër tani që jemi dhe në sezon vere, kur mijëra emigrantë kthehen në Atdhe për të parë familjarët e tyre dhe mund të hapin një depozitë bankare për prindërit”, tha Konomi.
Por kush ka mundësi të bëhet pjesë e kësaj pakete dhe cilat janë kushtet?
“Cilido që ka një shumë kursimesh, nuk ka rëndësi sa është shuma, mund të vijë në sportelet tona për të hapur një llogari. Ne ofrojmë një normë interesi vjetore 3%. Kjo normë është fikse përgjatë gjithë vitit. Depozituesi mund të tërheqë fondet në çdo kohë dhe pa asnjë penalitet. Kjo paketë erdhi edhe si një nevojë për këtë kategori të cilët janë të prirur për të menaxhuar më mirë paranë, me tendencë kursimi për një të papritur në jetë”, sqaroi Konomi.
Nga 1 janari 2026, Bullgaria do të bëhet pjesë e eurozonës, ndaj Fibank Albania bëhet grupi i katërt bankar Europian në treg, një fakt ky i cili rrit më tej besueshmërinë dhe kredibilitetin e bankës.
/vizionplus.tv
