Deputeti demokrat Dashamir Shehi ka deklaruar ditën e sotme nga foltorja e Kuvendit sae është pro projektit të bashkisë për transportin e gjelbër në kryeqytet.
Shehi gjithashtu aprovon dhe marrëveshjen e bashkisë me kompaninë gjermane KFW.
“Unë po e deklaroj që në fillim që jam dakord me këtë marrëveshje. Do më kishte pëlqyer që të kishte ardhur më e detajuar. Gjithsesi çfarëdo investimi për transportin publik në Tiranë është pozitive dhe unë e aprovoj. E aprovoj dy herë sepse vjen nga një qeveri shumë mike, siç është qeveria gjermane. Është modeli më i mirë që kemi sot për sot për investitorët e huaj. Unë për këtë projekt jam pro dhe besoj që edhe kolegët e opozitës janë pro”, deklaroi Dashamir Shehi.
