Ardhja e stinës së vjeshtës ka shtuar një tjetër problem, atë të ngatërrimit të virozave të stinës me Covid-19. Një problem real që po vë në vështirësi sistemet shendetesore europiane.
Në Itali në mënyrë të vecante po ankohen gjithnjë e më shumë në lidhje me vonesat e mëdha të bërjes së tamponeve.
“Mjeku i familjes ka aktivizuar procedurën, por për një javë unë jetoj pezull në gjendje të paqartë duke pritur një telefonatë për tamponin që konfirmon ose mohon që kam Covid”.
Një 40-vjeçar nga Teramo tregoi për Tgcom24 odisenë e tij pas disa simptomave kishte ndezur alarmin.
“Nëna ime punon në një institucion shëndetësor ku shpërtheu një vatër dhe ajo menjëherë shkoi në izolim. Të nesërmen babai im dhe unë gjithashtu filluam të tregojmë simptoma që i atribuohen koronavirusit dhe ne kemi qenë në karantinë për një javë tani duke pritur për një tampon.Një situatë që nuk mund të zgjasë kaq gjatë në pasiguri, sepse gjeneron ankth, tensione, sulme paniku”, tha 40 vjecari.
” Sa kohë duhet të presim për të zbuluar se çfarë kemi? Problemi eshtë se më këtë vonesë në rrezikojmë shumë duke qënë se vonesa e tamponit nuk na jep mundësi të kurohemi si duhet. Kjo na e bën edhe më të vështirë pasi po na shton ankthin dhe panikun. Nga ky mendim lind ndjenja e braktisjes. Për valën e dytë ne kishim imagjinuar një lloj tjetër organizimi nga institucionet. .. “.
