E gjithë vëmendja e Europës dhe jo vetëm ishte tek supersfida Itali-Zvicër.
Dueli që do të përcaktonte një biletë për në Katar 2022 nuk shkoi më shumë se një barazim 1-1 në Olimpiko të Romës. Fillimi nuk ishte aspak i mirë për skuadrën e Mancinit, që kishte përballë një Zvicër të etur për të shënuar.
Miqtë kaluan në avantazh që në minutën e 11 me Widmer, duke ja bërë dhe më të vështirë kampionëve të Euorpës të reagonin.
Mirëpo nuk vonoi shumë dhe Di Lorenzo hapi sërish takimin me golin e tij në minutën e 36.
Edhe në pjesën e dytë shanset nuk munguan për të dyja skuadrat, por rastin më të mirë e kishte Zhorzhinjo në minutën e fundit, por mesfushori gaboi nga pika e bardhë duke e goditur topin jashtë katërkëndëshit.
Gjithçka do të vendoset mbrëmjen e të hënës kur Italia për të shmangur play-off-in duhet të fitojë në Irlandën e Veriut, me një sy në diferencën e golave, ndërsa Zvicra pret Bullgarinë në shtëpi.
Në grupin F Danimarka edhe pse ka kohë që e ka siguruar pjesëmarrjen me tej, regjistroi fitoren e nëntë në po kaq ndeshje, pasi mposhti Ishujt Faroe 3-1.
Skocia mundi 2-0 Moldavinë dhe siguroi kualifikimin për në play-off, ndërsa Austria përmbys 4-2 Izraelin.
