Paolo Zampolli, i dërguari special i presidenti të SHBA, Donald Trump, insiston se mundësia që Italia të marrë pjesë në Botëror me ftesë është shumë reale.
Në një intervistë të dhënë për “Rai Gr Parlamento” në Itali, ai ka shpjeguar se do të zhvillojë këtë fundjavë një takim me Xhani Infantinon rreth kësaj teme, duke kërkuar që të vendoset Italia në vend të Iranit.
“Sa përqindje ka për pjesëmarrjen e Italisë në Kupën e Botës? Mendoj se më shumë se 50%. Do të takohem me Infantinon në Majemi për Çmimin e Madh të Formula 1 këtë fundjavë. Nuk duhet të ketë një Kupë Bote pa Italinë; vendimi varet nga Infantino dhe Trump. Pashë që Irani nuk ishte konfirmuar ende për shkak të luftës. E pyeta Infantinon për mundësinë e rikthimit të Italisë. Për më tepër, vizat janë shumë të vështira për t’u marrë dhe ne nuk duam njerëz që mund të bëjnë gjëra të këqija. Nëse dërgohen njerëz që nuk janë të mirëpritur në Shtetet e Bashkuara, është më mirë nëse nuk vijnë. Nuk kam folur ende me Trumpin, por ai nuk është shprehur për këtë çështje. Lojtarët iranianë janë të mirëpritur, por Sekretari Rubio ka qenë i qartë se ata nuk mund të sjellin njerëz që nuk janë të përshtatshëm për Shtetet e Bashkuara. Nëse Irani nuk merr pjesë, nuk e di nëse jemi të përgatitur të vendosim dikë tjetër, por çdo gjë mund të ndodhë”, u shpreh Zampolli duke insistuar kësisoj se kjo hipotezë mbetet reale.
