Kombet e Bashkuara kane dhene alarmin se Shteti Islamik ka rrëmbyer dhjetëra mijëra njerez nga rrethinat e Mosulit per t’i përdorur si mburoja njerëzore ne kundërpërgjigje te sulmeve te forcave irakiane. Per ata qe nuk u binden, ndëshkimi eshte vdekja. Zyra e OKB per te Drejtat e Njeriut sqaroi se mijera familje vendosen prane zonave ku jane përqendruar luftëtaret, ose ne rast tërheqjeje te tyre ato përdoren si mburoja. Sipas informacioneve te fundit, te paktën 232 vete jane vrare pasi kane refuzuar t’u binden luftëtareve. Behet fjale per 42 civile edhe 190 ish pjesëtarë te forcave irakiane te sigurisë. Keto vrasje ndodhen ndërsa ofensiva per marrjen e Mosulit vazhdon dhe trupat irakiane, kurde dhe forcat aleate po përparojnë. Megjithatë, ekziston frika se ISIS mund te perdore civilet serish per te mbrojtur veten kur forcat te depërtojnë ne qender te qytetit. OKB javen e shkuar njoftoi se ISIS nuk lejonte familjet te largoheshin nga territoret e kontrolluara ushtria irakiane jashte Mosulit dhe veçanërisht civilet e dyshuar se nuk jane besnike ndaj Shtetit Islamik. Deri tani nga Mosuli jane larguar vetem shume pak banore.
ISIS rrëmben dhe vret civilët
