Tre persona që shpërndanin drogë në Tiranë janë arrestuar në kuadër të operacionit të koduar “Alliasi”.
Në pranga kanë përfunduar këta shtetas:
S. H., 58 vjeç, i dënuar më parë (organizator dhe poseduesi i lëndës narkotike);
Sh. M., 26 vjeç, i dënuar më pare për veprën penale “Mashtrimi” ;
R. Xh., 27 vjeç, të tre banues në Tiranë.
Ndërkohë u shpall në kërkim shtetasi A. D., 46 vjeç dhe u procedua në gjendje të lirë një 34-vjeçare.
Policia kishte marrë informacion se shtetasi S. H., merrej me shpërndarje të lëndës narkotike të llojit Heroinë në zonën e Alliasit, Tiranë dhe se po tentonte t’ju shiste dy të rinjve rreth 200 gr heroinë.
S. H ( me precedente në fushën e trafikut të drogës dhe ne arrest shtepie), u kap para baneses se tij, me një sasi heroinë të cilën do t’ia u shiste shtetasve SH. M dhe R. Xh., të cilët u kapën në flagrancë.
Gjatë operacionit u sekuestruan 1 kilogramë e 850 gramë lëndë narkotike e dyshuar Heroinë, një armë zjarri pistoletë me mulli, një peshore elektonike që shërbente për ndarjen e lëndës narkotike në doza, një automjet dhe 4 aparate celular.
