Inspektorati Shtetëror Shëndetësor ka pezulluar pjesërish veprimtarinë e një fasonerie, gjatë inspektimeve në subjektet private për monitorimin e masave ndaj COVID-19.
Nga 1716 inspektime që janë kryer, ISHSH ka gjetur në shkelje një fasoneri, bar- kafe, si dhe një market. Këto subjekete janë ndëshkuar me masë administrative.
“Inspektoriati Shtetëror Shëndetësor realizoi 1716 inspektime për monitorimin e masave ndaj COVID-19 në 24 orët e fundit . Janë vendosur: 2 masa me gjobë për biznese bar-kafe dhe market, subjekte të cilat janë gjetur në shkelje; 1 vendim i ndërmjetëm për pezullim të pjesshëm të aktivitetit në fasoneri; ISHSH vijon çdo ditë kontrollet dhe monitorimin në terren për parandalimin e COVID-19 në të gjithë qarqet e vendit.”
Ministria e Shëndetësisë dhe Mbrojtjes Sociale apelon qytetarët që të ruajnë distancën nga njëri-tjetri, si dhe të mbajnë maska në ambientet publike. Ndërsa, bizneset dhe institucionet duhet të zbatojnë protokollet e sigurisë.
