Presidenti serb, Aleksandër Vuçiç ka folur për takimin e djeshëm në Brukesel me Albin Kurtin.
Ai përsëriti edhe njëherë përgjigjen që i dha Kurtit, teksa ky i fundit e pyeste se kur do ta njihte Kosovën.
“Kurrë! Ai erdhi, por nuk u pajtua për asgjë. Më pyeti kur do ta njohim Kosovën dhe unë i thashe kurrë”, tha Vuçiç pas takimit me Kurtin.
Vuçiç pranoi se u përgjigj në mënyrë brutale, ndoshta edhe mund ta ketë fyer, por nuk pendohet.
“Ndoshta nuk duhet të kisha reaguar në atë mënyrë, mbase e fyeva Kurtin, por unë u përgjigja në një mënyrë më brutale dhe nuk mund të them se u pendova, isha i befasuar që dikush mund të përdorte një fjalor të tillë”, tha Vuçiç.
Takimi i radhës mes dy udhëheqësve pritet të zhvillohet më 25 korrik.
