Këtë të premte në KAPITAL Vizion Plus në një tryezë debati me ekspertë të ekonomisë është diskutuar dhe për raportin e fundit të “Doing Business” për vitin 2018.
Të dhënat e këtij raporti tregonin se Shqipëria ka humbur 19 vende në klasifikimin e përgjithshëm botëror, që vlerëson mjedisin e të bërit biznes.
Ish zv-ministrja e Financave, Irena Beqiraj është shprehur se Shqipëria është vendi që ka të dhënat më të këqija në raport me Evropën në lidhje me korrupsionin.
“Ne përgjithësi me Evropën ne nuk paraqitemi mire në lidhje me korrupsionin, i cili vijon të jetë i dhimbshëm për Shqipërinë. Ky raport flet edhe për lejet e ndërtimet që në 2013, ishin 40 % qëthoshin se japin ryshfet ndërsa në 2019 15 %. Ka një përkeqësim të korrupsionit si pengesë, në raport ka të dhëna që tregojnë. Nese do të bëjmë një krahasim me rajonin ne nuk kemi ndryshim, por ne raport me veten nga 2013 dhe në 2019 në fushën e korrupsionit qeveria ka pas shumë për të bërë dhe unë nuk jam e kënaqur me atë që ka bërë qeveria Rama në këtë drejtim. Politikat qeverisëse që ndiqen nuk janë të duhurat.”
Nga ana tjetër eksperti Selami Xhepa ka theksuar se në vendin tonë nuk ka një klimë të mirë biznesi.
“Klima e biznesit eshte përkeqësuar shqipëria po e thellon këtë përkeqësim në mbrojtjen e të drejtave të biznesit. Kjo lidhet me filozofinë për mbrojtjen e të drejtave që zotërojnë. Në këtë raport ne renditemi në vendin 140 për lejet e ndërtimit, përmirësim patëm vitin e kaluar në lidhje me energjinë, por serish renditemi në vendin e 120.”
