Rreziku për zgjerimin e luftës me Iranin u rrit pasi Huthët e Jemenit të lidhur me Iranin nisën te shtunën sulmet e tyre të para ndaj Izraelit që nga fillimi i konfliktit, ndërsa forca shtesë amerikane arritën në Lindjen e Mesme.
Zyrtarët amerikanë thanë se Pentagoni po përgatitej për javë të tëra operacionesh tokësore në Iran që përfshijnë mësymje nga trupat e Operacioneve Speciale edhe pse mbetet e pasigurt miratimi i planit nga Presidenti Donald Trump për vendosjen e trupave tokësore.
Autoritetet iraniane kanë paralajmëruar se Lindja e Mesme do të shndërrohet në një varrezë për ushtarët amerikanë, duke e intensifikuar edhe më tej luftën amerikano-izraelite kundër këtij shteti.
Deklaratat nga Irani vijnë një ditë pasi Izraeli kërcënoi se do ta përshkallëzojë dhe do ta zgjerojë fushatën ushtarake, duke goditur objektet bërthamore të këtij shteti.
Ndërkohë hyrja e Houthëve mund të dëmtojë më tej transportin detar global nëse ata synojnë përsëri anijet në Ngushticën Bab el-Mandeb pranë Detit të Kuq, përmes së cilës kalon zakonisht rreth 12% e tregtisë botërore./vizionplus.tv
