Korpusi i Gardës Revolucionare Islamike (IRGC) ka njoftuar një valë të re sulmesh me raketa ndaj bazave amerikane në Lindjen e Mesme, raporton agjencia e lajmeve AFP, duke cituar televizionin shtetëror iranian.
Më herët, Irani goditi me raketa balistike një bazë detare amerikane në Bahrein.
Lexo edhe :
Sipas raportimeve, objekti i goditur strehon selinë e Flotës së 5-të të Marinës amerikane. Ndërkohë, agjencia shtetërore Bahrain Neës Agency raportoi se në shënjestër u vu edhe një qendër shërbimesh e lidhur me Flotën e 5-të.
BBC raporton se Këshilli i Sigurimit i OKB-së do të mblidhet urgjentisht pas situatës së krijur në Lindjen e Mesme.
Takimi u kërkua nga Bahreini, Kolumbia, Kina, Rusia dhe Franca. Mbledhja vjen pasi Sekretari i Përgjithshëm i OKB-së, Antonio Guterres, dënoi “veprimin e sotëm ushtarak në Lindjen e Mesme”.
Në një deklaratë, ai tha se veprimet minojnë paqen dhe sigurinë ndërkombëtare dhe bëri thirrje për një “ndërprerje të menjëhershme të armiqësive”.
