Një incident është shënuar mbrëmjen e kësaj të mërkure në Golem. Policia ka konstatuar një 38-vjeçar i cili ishte me masaë sigurie “arrest shtëpie”, ndërsa po levizte i lirë në rrugë.
38-vjeçari ëhstë sinjalizuar nga policia që të ndalojë, dhe i ëhstë kërkuar të shoqërohet në komisariat, por ai ka kundërshtuar me forcë.
Në këtë situatë një ga efektivët ka qëlluar me armën e shërbimit në ajër, dhe menjëherë ëhstë sinjalizuar patrulla të cilat kanë bërë të mundur shoqërimin e personave të përfshirë në kundërshtimin e veprimeve të Policisë.
Njoftimi:
Rreth orës 19:10, Patrulla e Përgjithshme e Postës së Policisë Golem, së bashku me Ndihmësspecialistin e zonës, gjatë patrullimit në territor kanë konstatuar shtetasin A. B., 38 vjeç, i cili ndodhej në rrugë i shoqëruar me persona të tjerë. Ai njihej nga Policia si person me masë sigurie “Arrest në shtëpi” për veprën penale “Shkatërrimi i pronës me zjarr”.
Gjatë verifikimit, punonjësit e Policisë i kanë kërkuar 38-vjeçarit shpjegime për thyerjen e masës së sigurisë dhe e kanë njoftuar se do të shoqërohej në ambientet e Komisariatit të Policisë Kavajë për veprime të mëtejshme.
Në këto rrethana, shtetasi A. B., së bashku me kunatin e tij, A. Sh., 23 vjeç, kanë kundërshtuar me forcë shërbimet e Policisë, të ndihmuar edhe nga familjarë të tjerë që ndodheshin në vendngjarje.
Për të neutralizuar situatën dhe për të shpërndarë turmën, Ndihmësspecialisti i Postës së Policisë Golem ka qëlluar një herë në ajër me armën e shërbimit, pistoletë.
Në ndihmë të efektivëve kanë mbërritur edhe shërbime të tjera policore, të cilat kanë bërë të mundur shoqërimin e personave të përfshirë në kundërshtimin e veprimeve të Policisë. Gjithashtu, në Komisariat është shoqëruar edhe 38-vjeçari që kishte thyer masën e sigurisë.
Veprimet hetimore për rastin po kryhen nga Oficeri i Policisë Gjyqësore pranë Prokurorisë së Juridiksionit të Përgjithshëm Durrës. Për ngjarjen është njoftuar edhe Agjencia e Mbikëqyrjes Policore, e cila pritet të verifikojë procedurat e ndjekura gjatë ndërhyrjes.
