Me urdhër të Ministrit të Drejtësisë, Ulsi Manja, është vendosur në regjimin e posaçëm (41 bis) një nga anëtarët e bandës së babagjyshërve, Albert Kupa, i njohur ndryshe si Ilir Kupa.
Kupa është duke vuajtur dënimin për 6 vepra penale.
Ndërkohë ministri Manja ka paralajmëruar se këtij regjimi do t’i nënshtrohen edhe të dënuar të tjerë.
“Jemi të vendosur për të garantuar rendin dhe sigurinë në të gjitha burgjet e vendit dhe cilido i dënuar thyen rregulloren e burgjeve, apo kryen vepra penale në burg duke cënuar rendin dhe sigurinë në IEVP, do t’i nënshtrohet këtij regjimi sipas ligjit“, tha ai.
Albert Kupa alias Ilir Kupa është një personazh mjaft i njohur, pasi në vitin 2014-2015 ishte pjesë ë bandës së “Babagjyshërve” të cilët grabitën një qendër tregtare.
Gjithashtu Kupa është i njohur ehde në Greqi pasi në vitin 2013-të u arratis nga burgu i Trikallës, duke shkaktuar në atë periudhë tërmet në drejtësinë e shtetit helen.
Ai bëri bujë edhe me grabitjen e në qendrën tregtare në prag të vitit të ri, ku një grup personash të veshur si Babagjyshë të Vitit të Ri u futën në një argjendari duke marrë me vete sasi të mëdha floriri. Pas arrestimit, Kupa u dënua me 23 vite burg për grabitje dhe armëmbajtje pa leje. /Vizionplus.tv/
