Krejt rastësisht, një 41-vjeçar i shpallur në kërkim u arrestua nga policia. Këtë të shtunë Verjon Manaj u ndalu nga efektivët në Durrës, që i kërkuan autorizim për lëvizjen dhe mjetin e identifikimit.
Por 41-vjeçari u largua me vrap, duke nxitur kështu ndjekjen nga ana e policëve. Pasi u prangos, u kuptua që ai ishte i dënuar me 15 vite burg për “Trafikim të të miturve” dhe “Falsifikimi i pasaportës”, kryer në bashkëpunim.
Po gjatë patrullimeve dhe verifikimeve të personave që shkelin orarin e karantinës, policët kanë kapur edhe 31-vjeçarin I. P. që kërkohej për “Plagosje të lehtë me dashje.”
