Në arenën e Fermës V.I.P. janë përforcuar tensionet dhe faktorët mbizotërues të garës. Sipas rezultatit të televotimit që u mbyll gjatë mbrëmjes së nëntëmbëdhjetë prime, Gloria Meshi dhe Xhesika Polo u renditën në fund të listës së të preferuarve. Ato do të përballen të hënën në sfidën katërshe të eleminimit, ku do të bashkohen edhe dy personazhet më pak të votuar gjatë televotimit që do të mbyllet në prime-n e njëzetë. Mbetet për t’u parë se si do të zhvillohet përballja dhe sa konkurentë do të largohen nga gara.
Ndërkohë agai i ka dhënë fund bonusit të “Arameras”, asnjë fermer V.I.P. nuk do të mundet ta shijojë më. Ishte Florjan Agalliu ai i cili përmbylli aventurën në ishull, me një eksperiencë që nuk mund të harrohet lehtë, por vazhdon në fermë. Publiku i tha “Po” rikthimit të tij në statusin e fermerit, pasi humbi sfidën me Valer Kolnikaj.
Fermës V.I.P. i’u shtua edhe një konkurente tjetër. Xhensila Pere pranoi statusin e fermeres edhe pse na ndajnë vetëm tre javë nga finalja e madhe.
Ndërsa Elsa Lila përfundoi misionin e saj. Këngëtarja e madhe ishte një ndër surprizat më të bukura për publikun i cili duke ndjekur Ferma Vip 1 dhe Ferma Vip 2, 24 orë në shtatë ditë të javës, shijoi vizionin e madh shpirtëror dhe artistik të saj. Një largim tepër emocional dhe një pasuri e madhe për formatin që e pati bashkëpunëtore në këtë rrugëtim të parë.
Përgjatë këtyre ditëve, në krye të fermës do të jetë Renis Gjoka. Atmosfera është shpërqëndruar në maksimum me Robert Aliaj Dragot dhe argumentet e tij jo fort të paqëllimshme, hyrjet e reja, rikthimet dhe sfidat e panjohura që janë në horizont. /vizionplus.tv
