Policia ka identifikuar tre autorët e zjarrvënies në Tepelenë. Si pasojë është vënë në pranga një 48-vjeçar dhe janë proceduar të lirë dy të tjerë. 48-vjeçari i arrestuar dyshohet se ka ndezur zjarr për hapjen e kullotës dhe si pasojë e përhapjes së flakëve është djegur një sipërfaqe e madhe kullote me bimësi të egër.
Në vijim të punës për identifikimin, kapjen dhe vënien përpara përgjegjësisë ligjore të autorëve të zjarrvënieve, specialistët për Hetimin e Krimeve të Komisariatit të Policisë Tepelenë kanë identifikuar autorët e 3 rasteve të evidentuara në fshatrat Dorëz, Turan dhe Dhëmblan.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
