Një ditë pasi në Vlorë u dogjën qëllimisht tre automjete , policia ka vënë në pranga porositësin dhe personin që u vuri zjarrin makinave.
Në pranga ka rënë Julian Çobo e Kreshnik Yzeiri dhe u shpall në kërkim bashkëpunëtori i tyre Elton Lushaj, i cili siguroi lëndën djegëse.
Në orët e para të mëngjesit të së martës, automjetet morën flakë, teksa ishin parkuar poshtë një pallati në lagjen “28 nentori”.
Policia pasi mori në pyetje pronarët e makinave kqyri edhe kamerat e sigurisë në zonë, nga ku u zbardh gjithë dinamika e ngjarjes.
